مسلسل 37 درجه

موضوع: مسلسل 37 درجه الأربعاء يناير 14, 2009 3:24 pm

بسـم الله الرحمـن الرحيـم

السـلام عليكـم ورحمـة الله وبركاتـه

/|

بما أن آصعب مايكون على المرء تأليف مقدمـة لـ اللي يبي يقوله أو يسولف عنه أو شسمه .. ندخل دوووغري بـ الموضـوع مسلسل 37 درجه Grins

||
|~

يـوم الجمعـة 9/1/2009 م .. الساعـة تسع ونص من الليـل .. راح يكـون موعـد لـ إنطلاقـة

مسلسل 37 درجـة مئويـة ~ على شاشـة MBC1

مسلسل 37 درجه F2ddb8c758

مسلسـل يشارك فيـه ناصر القصبي .. بدون توأمه الماصل المهضـوم عبدالله السدحـان

عدد حلقات المسلسـل | 30 حلقـة
مـدة الحلقـة | 30 دقيقـة

طبعـا رآح يكـون عـرض الحلقـات .. كل جمعـة

يعـرض | كل جمعة الساعة 9.30 من الليـل
يُعـاد | كل خميس الساعة 7.30 من الليـل

||~

شوية حتسي عن المسلسـل

شخصيات هالمسلسل الرئيسية .. راح تكون منحصرة على الرجال .. أما الحريم راح يكون ظهورهم في بعض المشاهد الثانوية

في كل حلقة راح تكون فيها قصة منفصلة بـ الأحداث اللي فيها عن الحلقة اللي بتجي عقبها .. بنفس الشخصيات الرئيسية .. حيث إنها بتكون نفس ماهي .. وبهالشيء راح يفرق بقوة عن آسلوب طاش ما طاش من حيـث إن عناصر الأحداث بكل حلقة هم نفسهم .. مهب مثل طاش كل حلقة لها عناصرها

طيب نجي الحيـن لـ قصة المسلسل وشهي بالضبط

القصة ومافيها راح تتمثل وتتمحور حول مجموعة من خريجين كلية الطب .. من طلبة الأمتياز .. يوم صاروا يطبقون في حدا المستشفيات فـ الرياض .. وبيكون فيه استعراض لـ مواقف استهبالية صارت لـ هالشباب

شخصية العمل الرئيسية .. هي الطالب " معاذ " مه آخوياهـ اللي راح يستعرضهم المسلسل فـ كل حلقـة
وراح نشوف بكل حلقة إن فيه مصاعب يستعرضها السيناريو .. لأحداث ومواقف هي من الأساس تحصل لـ بعض طلاب الامتياز لا صاروا يطبقون وصار شغلهم ميداني

هالمسلسل راح ينقل للمشاهد وبكل آختصار الأحداث اللي تصير كل يوم لـ طلاب الأمتياز في مستشفياتنا الموقرة .. من حيث انهم دايما يتعرضون لـ مضايقات من المرضى .. لأن الثقة مهب موجـودة بين المريض وطالب الامتياز

وأزين شيء بـ المسلسل إنه راح يسرد بأسلوب نقدي .. المصاعب وحومة التسبد اللي يشووفها المراجع لـ المستشفيات الحكومية .. بـ الذات المواعيد اللي تجيك من سنة لـ سنة .. وغيرهـ من المواقف ماودنا نسرد أمها همين مانشوف المسلسل مسلسل 37 درجه Grins

||~

طبعا بتقولون ياخوكـ من اللي يمثّل طيب مالهم آسامي .. نعرفهم مانعرفهم

عاد أنا بـ رد عليكم واقولكم .. إن القروب التمثيلي توهم شباب وأغلبهم أول مرة يرتز قدام الكاميرا

منهم / نواف المهناء .. محمد المقبل .. عبدالله الدعفس .. بـ الإضافة لـ أبطال العمل الرئيسيين وهم

ناصر القصبي .. نايف فايز .. وبدر اللحيد .. ومحمد الغامدي .. ومن الحريم / البحرينية زهور حسين

طبعا بتقولون وش آدوارهم والقصبي وش موقعه من الإعراب

القصبي راح يكون دورهـ | الطبيب الاستشاري المشرف على طلبة الأمتياز

أما زهور حسين راح يكون دورها | طبيبة تنحط في موقع المسؤولية .. حيث إنها تكون مسؤولة على مجموعة من الأطباء .. كـ بديل عن الطبيب الاساس اللي المفروض إنه يمسك هالمجموعة

اما شخصية الطالب " معاذ " راح يجسدها الممثل نايف فايز .. واللي هو بدورهـ وآخوياهـ راح يستعرضـون المواقـف اللي تحصـل لـ مجموعـة طـلآب الأمتيـاز فـ احـد مستشفيـات الريـاض
بعض المشاهـد كانـت بـ مستشفى رعاية الرياض / التأمينيات سابقاً

||~

صـور مـن المسلســل

مسلسل 37 درجه Okokok1

||~

من هنيتـا | تحميـل مقطع فيديـو لـ دعايـة المسلسـل

وهـذا مشهـد تعريفي لـ شخصيات المسلسـل .. وطبعـآ كان تصويرهـ مبطي يعني على بداياتهـم

||~

آتمنى يكون المسلسل فعـلا يستحق الهالة الإعلامية اللي مسويتها له الـ MBC

وقريت في تقارير لـ المسلسل إن أفكار المسلسل تكتب بشكل يومي وبكل ليلـة
وآيضـآ تسني قريت في بعض الآراء حول هالمسلسل إن الفكرة مؤخوذة من المسلسل
الآمريكي ( سكربز ) <-- آول ماقريت هالكلمة جاء ع بالي باسكن روبنز مسلسل 37 درجه Icon23

بس من المشهد التعريفي .. وضح لي إن الآسلوب اللي آنتهجوهـ في الكـلآم والتعليقـآت
تجيـك بدون تكلـّف آبـدا .. وفيه شطحـآت ساخـرهـ
وباللـه ركـزوآ بـ آخر المشهـد بداية من لقطة البزر مسلسل 37 درجه Ok

||~

ختاما .. عساهـ مير كويّس مهب محيوس مسلسل 37 درجه Humm

مشكور(ة)اخوي

هههههههههههههههههههههههههههههه

بس والله المسلسل خطيــــــر

اعجبني اووي

لاهنتي يا الغالي

ولاننحرم من جديدك

[] كلك حركات []

زائر

موضوع حلو

شاكر لكم مروركم كل ابوكم

زائر

مشكوور بس المسلسل خلص وإلى الحين

هو في الصفحه الاولى

يعني مافيه احد يشاارك