روح الـــــــــــــــــــــــورد


حياك الله يا زائر
 
الرئيسيةالبوابةمكتبة الصورالتسجيلدخول

السلام عليكم ورحمة الله وبركاته اعضائنا الاعزاء اضع بين يديكم مجموعه من القوانين العامه الي ياليت انكم تتقيدون فيها:_ بعد التسجيل بنعتبرك قريتها وبنطبق عليك هالقوانين بحذافيرها لأنك المفروض انك قريتها يعني مالك عذر .. لا تقول ما درينا! 1- لا تقلب مواضيعك ومواضيع خلق الله الى موقع شات عذابي او الى MSN مسنجر او الى !Yahoo مسنجر او الى Skype مسنجر أو الى بال توك ولا نبي نشوف في المواضيع سوالف جانبية واستفسارات ما لها اي دخل بفكرة الموضوع الأساسية .. وذلك عشان ما يتشتت القاريء ويصير ما يحبك ويكرهك 2-المنتدى ذا مسوينه عشان نكتب فيه ( <== اجل ظنك عشان نولع فيه جمر؟! ) وكذلك عشان نتبادل فيه الخبرات الأساسية فيما بيننا في أمور تخص العلم الغير مفيد والأمور الغير هادفه والمعلومات الضاره والغير نافعه في شتى المجالات .. اما اذا مسجل معنا عشان تتميلح .. ولا عشان ترقملك بنت من بناتنا الشيون .. ولا عشان تعلمنا انك اطخم .. ترانا بنخربط ملامح وجهك بالفوتوشوب ثم بنشوتك -أيضاً للمعلوميه المنتدى ذا سويناه بس كذا مزاج .. حنا حرين ياخي! .. فلوسنا وحنا حرين فيها! .. 4-ابوك وزير .. خالك شيخ قبيله .. عمك صديق الوليد بن طلال .. اخوك الصغير يعرف يفحط .. هذا هناك عندكم في البيت .. عندنا انت عضو من أعضاء روح الورد وبترضخ لقوانينا حالك حال غيرك .. والمنتدى توجهه ترفيهي ساخر .. يعني وسع صدرك وخل عنك الترزز وشوفة النفس ولا تزعل من أي ذبة تجيك من الأعضاء .. والزعولين والحساسين والي نفوسهم بطرف خشومهم والي الله خالقهم من ذهب وحنا الله خالقنا من طين هذول لا يسجلون معنا ولا نبيهم .. واذا قدر الله علينا وسجل معنا واحد من هالطبقه المخمليه حنا بعد ترانا عيال ناس ومن الطبقة المخمليه ومحترمين ومتعلمين ومتربين احسن تربية والكثير من أعضائنا متخرجين من جامعة هارفارد تخصص قانون فما عندنا لعب وبنمسك بذا الزعول خط ذب وتهزيء وبنوسع صدورنا عليه ثم بنشوته 5-ما نبي اعلانات في التواقيع والردود لمنتديات ثانيه .. واذا تبي تحط رابط لمنتداك او لموقعك تقدر تحطه في ملفك الشخصي فقط .. وللعلم عند المخالفه الأولى سيتم تعديل التوقيع فقط .. اما عند المخالفة الثانية سيتم ايقاف اليوزر ايقاف نهائي حتى وان كان المخالف مشرف .. الاعلانات عندنا طريقتها معروفه وواضحه والي حاب يعلن عندنا يقدر يراسل الإدارة ويشوف وش بترد عليه .. وكذلك ما نبي يجينا بلاغ انك تستخدم رسائل منتدانا الخاصه للإعلان عن موقعك او منتداك وهذا الشي عقوبته اعتقال مؤبد لليوزر المخالف -والحين اذا قريت قوانين منتدانا كلها وخشت مزاجك وحبيت تسجل معنا وتصير عضو من اعضائنا اختر لك اسم رايق يعبر عن شخصيتك ويُحبذ الابتعاد عن الأسماء الي تحمل اسم العائلة او القبيله عشان تاخذ راحتك اكثر مع الأعضاء اثناء استهبالك عليهم واستهبالهم عليك .. اتمنى تكون القوانبن فهمتوها......تحياتي \ مجموعة انسان